Naging matagumpay ang selebrasyon ng Cajidiocan Town Fiesta sa Romblon noong December 13–30, 2024, na pinuno ng saya at excitement ng iba't ibang sports events. Ang inisyatibang ito ng Local Government Unit (LGU) ng Cajidiocan, sa pangunguna ni Mayor Atty. Marvin “Greggy” Ramos, ay nagbigay kasiyahan sa mga lokal at bakasyunista, na nagpunta upang mag-unwind mula sa stress ng trabaho at pag-aaral.
Sa Soccer Tournament, itinanghal na kampeon ang Magdiwang FC matapos talunin ang Suong Boars sa score na 3–1 sa finals. Kabilang sa kanilang mga key players sina Jonas Molo, George Ribot, John Capispisan, at iba pa. Ang kampeon ay nag-uwi ng ₱50,000, ang 2nd place na Suong Boars ay ₱30,000, at ang 3rd place na Foursquare FC ay ₱20,000.
Sa Tour de Sibuyan, nanguna si Jomar Dalaguete ng San Andres, Romblon sa oras na 2:39:11.46, na sinundan ni John Kenneth Lumatad mula Masbate. Si Ricardo Romero Jr. mula Alcantara ang 3rd placer na nagtala ng oras na 2:42:40.24. Ang kampeon ay nag-uwi ng ₱12,000 kasama ang medal, ang 2nd place ay ₱10,000, at ang 3rd place ay ₱7,000. Ang iba pang nakatapos mula ika-4 hanggang ika-10 puwesto ay nakatanggap ng ₱3,000 bawat isa, at ang ika-12 hanggang ika-20 puwesto ay ₱2,000 bawat isa.
Sa Basketball Tournament, itinanghal na kampeon ang Mabuhay Team matapos talunin ang Nicko Tigers sa finals. Kabilang sa kanilang mga key players si Cedrick Manzano mula Adamson Falcons, habang ang Nicko Tigers ay pinangunahan ng ex-pro na si Renz Palma. Ang Pueblo Team ang nakakuha ng 3rd place at ang Cambajao Team naman ang 4th place. Ang champion ay nag-uwi ng ₱200,000, ang 2nd place ₱100,000, ang 3rd place ₱70,000, at ang 4th place ₱50,000.
Sa Women’s Futsal, kampeon ang Four Peak FC na pinangunahan ni Tatiana Louise Robines, ang 2019 Palarong Pambansa MVP, kasama ang kanyang team. Ang 2nd place ay ang Phantom Dribblers, at ang 3rd place ay ang Vamos FC. Ang kampeon ay nag-uwi ng ₱10,000, ang 2nd place ₱7,000, at ang 3rd place ₱5,000.
Sa Volleyball Tournament, parehong panalo ang Pueblo Team sa Men’s at Women’s Divisions. Sa Men’s Division, ang 2nd place ay ang Servivors A, at ang 3rd place ay ang Team OVS. Sa Women’s Division, ang 2nd place ay ang One Magdiwang, at ang 3rd place ay ang Doc Fred Team. Ang kampeon sa Men’s Division ay nag-uwi ng ₱30,000, ang 2nd place ₱20,000, ang 3rd place ₱10,000, at ang 4th place ₱5,000. Sa Women’s Division, ang champion ay nag-uwi ng ₱20,000, ang 2nd place ₱15,000, at ang 3rd place ₱10,000.
Ang pangunahing sponsor ng mga sports events ay si Senator Bong Go, na Chairperson ng Senate Committee on Sports.
Maliban sa sports events, nagkaroon din ng iba't ibang programa na lalong nagpasigla sa selebrasyon ng Cajidiocan Town Fiesta. Ang aktibidad ay nagbigay saya sa mga lokal at nagpakita ng pagkakaisa ng komunidad sa pagbibigay suporta sa mga atleta at kalahok.
