Aabot sa 211,336 ang mga rehistradong botante sa lalawigan ng Romblon na maaaring makaboto sa darating na National and Local Elections sa Mayo 2025.
Ito ay ayon sa huling data na inilabas ng opisina ng Romblon Provincial Election Supervisor kaugnay sa nalalapit na halalan.
Nabago sa 211,336 ang naunang inilabas na datus na 212,364 matapos ang isinagawang voter list cleansing na isinagawa ng Commission on Elections (COMELEC).
Aniya, Romblon ang pangalawa sa may pinakamababang bilang ng mga rehistradong botante sa rehiyon para sa halalang ito.
Samantala, noong November 5, sinabi ni Calapan City Election Officer Atty. Suminigay P. Mirindato na lima sa mga bayan sa Romblon ay walang makakalaban ang mga tatakbong alkalde sa election sa susunod na taon. Ito ang mga bayan ng Banton, Corcuera, Romblon, San Agustin at Santa Maria. Wala ring makakalaban ang mga tumatakbong bise alkalde ng mga bayan ng Banton, Looc, Romblon, San Andres at Santa Maria.
Ayon pa sa ulat ng COMELEC, may aabot sa 411 na Certificate of Candidacy ang naihain noong October 1-8 COC filing.
