Of course, alam natin na isa sa pinagkukunan ng revenue ng pamahalaan ay ang mga buwis. Kung kaya't sa Tax Reform for Acceleration and Inclusion (TRAIN) law ng gobyerno, maraming mga bagong pagtatakda sa pagbubuwis ang isasakatparan ng pamahalaan habang lumilipas ang taon.
Kamakailan ay lumabas sa balita na inaprubahan na ng Senate Ways and Means Committee ang panukalang batas sa pagtataas ng buwis para sa mga sigarilyo at alak.
Kung sakaling tuluyan itong maisabatas, ano kaya ang mga magiging epekto nito?
Well, makakatulong nga naman ito sa pagtas ng kita ng gobyerno. Sana nga lang maging epektibo ang koleksyon, at higit sa lahat ay mapunta nga sa kaban ng yaman ang mga buwis na ito. Nabasa ko rin dati sa mga argumento ng mga nagsusulong nito, para umano mabawasan ang mga smokers at drinkers kasi nagiging prevalent cause din ‘to ng maagang pagkakamatay ng mga tao.
Ang kaso, maaaring mayroon itong pangit at negatibong epekto sa mga tao sa pangkalahatan – ang magresulta sa pagkakaroon ng mas mataas na antas ng kriminalidad sa mga bayan katulad ng pagnanakaw, holdup at iba pang krimen kaugnay sa pera. Bakit nga ba?
Una, ang mga bisyong paninigarilyo at paginom ng alak ay ‘addictive'. Ayon sa datus, mayroong mahigit-kumulang sa 17.3 million adult smokers sa Pilipinas, samantala halos kalahating porsyento ng mga Filipino adults ay umiinom ng alak. Dahil nga sa naging bisyo na ito, mahirap na itong maalis sa routine ng mga tao kahit pa mataas ang mga presyo nito dahil sa tinatawag na sin tax.
Ang problema, kung di rin naman ito matatanggal sa bisyo ng mga tao, maapektuhan ang kanilang budget na maaaring humantong pa sa pagnanakaw, pangho-hold-up, at iba pa, dahil sa gagawa at gagawa ng paraan ang mga nagbibisyo nito upang makabili o makakuha ng sigarilyo at alak. Kadalasan ang demand ng bisyo kapag hindi tumugma sa kakayang kita ng isang tao, ay humahantong sa pagkakabaon sa utang, o paggawa ng labag sa batas.
