Lumagda ang Department of Science and Technology (DOST) MIMAROPA at mga katuwang nitong ahensya sa isang Memorandum of Agreement (MOA) para sa pagpapatupad ng eTURO Digital Learning System sa San Agustin, Romblon bilang pilot beneficiary school sa MIMAROPA.
Bahagi ang paglagda sa serye ng science, technology and innovation (STI) activities na isinagawa ng DOST MIMAROPA sa San Agustin noong Agosto 16 bilang bahagi ng pre-Regional Science, Technology, and Innovation Week 2026.
Kabilang sa mga partner sa proyekto ang Department of Education (DepEd)-MIMAROPA at San Agustin Central Elementary School sa Romblon, gayundin ang Don Luis Hidalgo Memorial School sa Boac, Marinduque.
May kabuuang ₱2.123 milyon ang project cost ng eTURO, na ipatutupad mula Hulyo 1, 2026 hanggang Hunyo 30, 2027.
Ang eTURO (Enhancing Teachers Unimpeded Rational Objectives) Digital Learning System ay nagtatampok ng AI-powered content creation, offline-capable Learning Management System (LMS), curriculum-aligned multimedia learning resources at automated assessment tools.
Layunin ng pilot implementation na mapahusay ang teaching effectiveness at access sa de-kalidad na edukasyon, partikular sa mga geographically isolated at disadvantaged communities.
Kabilang din sa proyekto ang capacity-building para sa mga guro upang matutunan ang paggamit at pagsasama ng AI-enabled instructional tools sa kanilang mga klase, gayundin ang patuloy na monitoring at evaluation ng programa.
Inaasahang makatutulong ang eTURO sa pagpapalakas ng learner engagement at pagpapabuti ng foundational literacy at numeracy outcomes ng mga Grade 6 learners sa mga pilot school.
Bahagi ang inisyatiba ng mas malawak na programa ng DOST na naglalayong gamitin ang science, technology and innovation upang mapabuti ang access sa serbisyo at oportunidad, lalo na sa mga komunidad na may limitadong access sa mga teknolohikal na resources.
Discussion about this post