Upang matiyak na ligtas ang web browsing experience ng mga netizens sa paggamit ng Romblon News Network (RNN) website, patuloy na pinagbuti ng RNN Web Development Team ang mga security features ng website nitong mga nakaraang araw.
Ang patunay na ang isang website ay ‘secured' ay kapag lumalabas ang ‘padlock icon' sa tabi ng url o web address, at nagsisimula ito sa ‘https' (please refer to the attached image).
Kapag ang website ay secured, maiiwasan ang pag-exploit ng mga tinatawag nating cyber criminal sa mga unprotected contents, resources, maging ang komunikasyon nito. Pinoprotektahan din nito ang privacy at security ng mga gumagamit.
Ayon kay Engr. Ressie Fos, Managing Editor ng RNN na isa ring web and software developer, ‘bagamat ang RNN sa ngayon ay more on public service, ang katiyakan ng seguridad ng mga gumagamit at nagbibisita sa website upang makakuha ng mga balita, updates at mga makabuluhang impormasyon araw-araw ay prayoridad ng management. Nagiisip pa nga tayo ng iba pang ilulunsad na feature ng RNN website upang iugnay ang mga konstitwente ng lalawigan o bawat bayan sa kani-kanilang mga sumasakop na LGUs.”
“Tinitiyak din natin na ang browsing experience ng nga netizens sa RNN website ay ‘friendly' at laging naka interface sa mga popular na social media platforms, at ‘yong tinatawag nating ‘responsive' na kahit saang device bubuksan ng ating mga netizens ay akma at maayos pa rin ito.“, dagdag pa ni Fos.
Matatandaang sa naunang statistics na nilabas ng RNN, umaabot sa halos 4 million ang website visits at mahigit 50 milion page hits bawat taon ang web analytics nito.
Sa mga kababayan nating patuloy na tumatangkilik at nagtitiwala sa Romblon News, maraming-maraming salamat po.
Sa mga kababayan po nating nais makatulong sa Romblon News Network upang maipagpatuloy pa nito ang serbisyo publiko, maaari po kayong magbiay ng donasyon ayon sa dikta ng inyong mga puso. Makipag-ugnayan lamang sa pamunuan ng Romblon News Network.
