Namahagi nitong weekend ang lokal na pamahalaan ng tig-5 kilo ng bigas sa 4,126 residente ng Magdiwang bilang bahagi ng Rice Assistance Program ng pamahalaan.
Ito na ang ikalawang tranche ng pamamahagi ng bigas ng Municipal Government of Magdiwang, na pinondohan sa pamamagitan ng Local Government Support Fund (LGSF) sa ilalim ng administrasyon ni Pangulong Ferdinand R. Marcos Jr.
Sa Barangay Ipil, maaga pa lamang ay isinagawa na ang pamamahagi ng bigas at isinabay ito sa ginanap na general assembly ng barangay.
Ayon kay Mayor Noel Joseph Machon, isinagawa nang sabay-sabay ang distribusyon sa siyam na barangay ng bayan upang mapabilis ang paghahatid ng ayuda sa mga kuwalipikadong benepisyaryo.
Noong nakaraang buwan, namahagi rin ang LGU Magdiwang ng tig-10 kilo ng bigas sa tinatayang 3,800 kabahayan sa ilalim ng kaparehong programa.
