Isang lalaki ang sugatan matapos maaksidente sa bahagi ng ginagawang kalsada sa national road sa Barangay Liwanag, Odiongan, Romblon nitong tanghali ng Linggo.
Ayon sa mga saksi, matulin umano ang patakbo ng rider na si Roger Romano at pagdating sa ginagawang kalsada ay nadulas ito at nabagok ang ulo dahilan upang agad itong isugod sa Romblon Provincial Hospital.
Madulas ang nasabing kalsada dahil sa mga nagkalat na mga buhangin at bato matapos butasin ang kalsada ng contractor na nag-aayos rito. Wala ring nakitang signage sa lugar kung saan may ginagawang kalsada.
Napag-alamang nakainum at walang helmet ang ridre nang mangyari ang aksidente.
Patuloy na sinusuri ang lagay ni Romano sa ospital.
