Nakatanggap ang C.M. Recto Agrarian Reform Beneficiaries (ARB) ng proyektong pangkabuhayan mula sa Department of Agriculture (DA) na nagkakahalaga ng ₱3.8 milyon, ayon kay Ferrol Mayor Christian Gervacio.
Ayon kay Gervacio, naipagkaloob na ito ng Department of Agriculture ang proyekto sa grupo na tiyak na makakatulong sa kanilang araw-araw na hanapbuhay. Kabilang sa mga ipinagkaloob ang mga kulungan ng manok, mga manok, patuka at mga gamot na gagamitin sa pag-aalaga ng mga ito.
Sinuportahan ng Lokal na Pamahalaan ng Ferrol, sa pamamagitan ng Municipal Agriculture Office (MAO), ang panukalang livelihood program para sa mga benepisyaryo ng C.M. Recto ARB upang magkaroon ng karagdagang mapagkakakitaan ang mga magsasaka at kanilang pamilya.
Layunin ng proyekto na mapalakas ang kabuhayan ng mga benepisyaryo at makatulong sa pagpapaunlad ng sektor ng agrikultura sa bayan.
Dagdag ni Gervacio, sa pamamagitan ng pagtutulungan ng LGU Ferrol, MAO, DA at samahan ng mga magsasaka, inaasahang mapalawak ang oportunidad sa kabuhayan ng mga benepisyaryo.
