Binati ni Pangulong Ferdinand R. Marcos Jr. ang Iglesia ni Cristo (INC) sa pagdiriwang nito ng ika-112 anibersaryo, kasabay ng pagkilala sa mahigit isang siglong ambag ng simbahan sa pagtataguyod ng pananampalataya, disiplina, at paglilingkod sa lipunan.
Sa kanyang mensahe, sinabi ng Pangulo na kaisa ng pamahalaan ang mga organisasyong nagpapatatag sa pamilya, nagtataguyod ng kapayapaan, at nagpapalawak ng malasakit sa kapwa.
“I extend my warmest greetings to the Iglesia ni Cristo (INC) as you commemorate your 112th Anniversary. For more than a century, the INC has served as a guide to a community grounded in faith, discipline, and a shared sense of responsibility,” ani Pangulong Marcos.
Binigyang-diin din ng Pangulo na mula sa payak na pinagmulan ay lumago ang Iglesia ni Cristo bilang isang relihiyosong institusyon na may presensya sa iba't ibang panig ng mundo.
“From your humble beginnings, you have grown into a religious institution whose presence has reached communities across the globe. Your enduring work reminds us that a life rooted in devotion and integrity helps reinforce the moral foundation of society,” dagdag niya.
Umaasa rin si Pangulong Marcos na magsisilbing inspirasyon ang anibersaryo upang higit pang mapagtibay ang misyon ng simbahan sa pagtulong sa mga nangangailangan, pagdamay sa mga nahihirapan, at pagsusulong ng pagkakaisa sa mga komunidad.
Hinimok din niya ang mga miyembro ng Iglesia ni Cristo na patuloy na maging katuwang ng pamahalaan sa nation-building sa ilalim ng Bagong Pilipinas.
“In this spirit, encourage every member of the INC to remain a steadfast partner in nation-building, where faith is demonstrated through service and citizenship is expressed through genuine concern for others,” ani Pangulong Marcos.
Nagtapos ang Pangulo sa pagbating, “May this celebration also inspire renewed reflection on your calling as we continue building the pillars of our Bagong Pilipinas. Mabuhay ang INC!”
Discussion about this post