Alam niyo ba na hindi pwedeng pagsabaying inumin ang ilang gamot na akala nating pwedeng pagsabayin? Katulad nalang ng Biogsic na para sa sakit sa ulo at ang Decolgen na gamot naman sa ubo.
Ayon kay Dr. Denden Formadero ng Romblon Provincial Hospital, ang biogesic umano ay isang brand lang ng paracetamol na matatagpuan na rin sa gamot na Decolgen.
“Oo pag na overdose sa paracetamol affected ang liver. Toxic sa liver ang paracetamol pag na sobrahan,” ayon kay Dr. Formadero ng kunin ng Romblon News Network ang kanyang opinion.
Ang pagkakaroon ng toxic na liver ay maaring maghantong sa Gastric Ulcer o di kaya'y liver cancer. Ayon pa sa mga ekperto hindi pwedeng pagsabaying inumin ang mga gamot na may paracetamol na katulad ng Alaxan, Biogesic, Decolgen, Neozep, at Bioflu.
Dagdag pa ni Dr. Formadero, ang katawan ng isang adult ay pwede lang mag take ng 500mg na Paracetamol kada oras habang ang bata naman ay naka dipende sa kanilang timbang. Kailangan mo pa umanong mag-antay ng isang oras o higit pa bago uminum ng isa pang gamot na may halong paracetamol.
Ayon pa kay Dr. Formadero, pwede naman umaong pagsabayin ang iba pang gamot ngunit dapat hindi pareho katulad nalang ng Paracetamol at Antibiotic.
Pinagiiwas rin ng mga eksperto na uminum ng alak kapag katatapos lang uminum ng gamot dahil maaring maging dahilan ito para makabuo ng toxic chemicals na maaring makasira ng atay.
Samantala, bawal rin ipagsabay ang Alaxan at Medicol dahil pareho itong may Ibuprofen at parehong itong anti inflammatory drugs.
Ugaliin ring magpatingin sa Doctor kung may sakit at kumonsulta sa Doctor bago uminum ng gamot.
