Nagsimula ng mangampanya ang magkalaban na partido para sa lokal na posisyon sa bayan ng Odiongan, Romblon ngayong unang araw ng campaign period.
Unang dumating ng Odiongan Public Market ang grupo ni incumbent Mayor Trina Firmalo-Fabic kasama si SB Diven Dimaala na tumatakbo bilang bise-alkalde sa ticket ni Fabic.
Kasama rin nilang nangampanya sa palengke ang kanilang mga pambato sa pagka-Sangguniang bayan member na sina Louie Fabello, Gecelle Fainsan, Adriel Fajutagana, Jojo Falogme, Kit Firmalo, Dr. Rolando Forca, Dr. Alexander Formento, at Mar Magtuba.
Tumungo rin ng Barangay Ligaya at Tabin-Dagat ang grupo ni Fabic matapos na mangampanya sa pelengke.
Samantala, sa pelengke rin nangampanya ang grupo ni incumbent Sangguniang Panlalawigan member at Odiongan Mayoral bet Venizar Maravilla kasama si reelectionist vice mayor Mark Anthony Reyes.
Nagkamay-kamay ang dalawa kasama ang kanilang mga pambato sa pagka-Sangguniang bayan member na sina reelectionist Butchoy Arevalo, reelectionist Chow Chua, reelectionist Nicky Faderogao, reelectionist Rollie Lachica, reelectionist Virgie Maulion, Quincy Bantang, Rommel Fajarito, at Ronald Noche.
Ang campaign period ayon sa Commission on Elections (COMELEC) ay magtatagal ng 44 na araw mula March 29.
