Dalawa patay habang isa ang sugatan matapos mahulog ang isang motorsiklo sa isang bangin sa bahagi nag national road sa Barangay Concepcion Sur, Santa Maria, Romblon nitong madaling araw ng Linggo.
Kinilala ang mga nasawi na sina Lloyd Ramirez Romero, 21 years old; at Joseph Mustasa, 18 years old, pawang mga residente ng Sitio Cabugao, Barangay Bonga, Santa Maria, Romblon.
Ang driver naman ay kinilalang si Angelo Miñeque, 24.
Batay sa imbestigasyon ng Santa Maria Municipal Police Station, galing ng Barangay Calonsago ang tatlo at pauwi na ng Barangay Bonga nang biglang mawalan ng kontrol ang driver sa motorsiklo at dumiretso sa bangin na may lalim na halos 2 metro.
Nagtamo ng serious injuries ang tatlo kaya agad silang isinugod sa Don Modesto Formilleza Sr Memorial Hospital sa bayan ng Looc ngunit idineklarang dead on arrival ang dalawang angkas ni Miñeque.
Samantala, inilipat si Miñeque sa Romblon Provincial Hospital para mas mabigyan ng atensyon ang kanyang kalagayan.
Napagalaman ng pulisya na nakainum ang mga sakay ng motorsiklo at wala ring suot na helmet nang mangyari ang aksidente.
Galing rin umano sila sa Fiesta sa Barangay Calagonsao kung saan sila uminum.
