Sa tulong ng Department of Social Welfare and Development (DSWD) sa pamamagitan ng Sustainable Livelihood Program (SLP), opisyal nang binuksan ng Lumbang Weste SLP Association ang kanilang rice retailing business na layuning magbigay ng mas madaling access sa bigas para sa mga residente ng Barangay Lumbang Weste.
Ayon sa samahan, inilunsad ang proyekto bilang tugon sa kalayuan ng barangay sa sentro ng bayan. Inaasahan nitong mababawasan ang gastos sa pamasahe at oras ng mga residente sa pagbili ng bigas, habang nagkakaroon din ng karagdagang mapagkakakitaan ang samahan.
Sa isang panayam, ibinahagi nina Women's Federation President Vivien Regla at SLP Association official Jie Rodelas ang naging batayan sa pagpili ng rice retailing bilang livelihood project. Ayon sa kanila, napili ang negosyo dahil ito ang isa sa mga pangunahing pangangailangan ng komunidad.
Ang rice retailing business ay naisakatuparan sa ilalim ng pakikipagtulungan ng lokal na pamahalaan at ng DSWD sa pamamagitan ng Sustainable Livelihood Program (SLP), na naglalayong suportahan ang mga proyektong pangkabuhayan ng mga komunidad.
Discussion about this post