Naaresto ng Philippine Coast Guard ang apat na mangingisda sa Sibuyan Island, Romblon dahil sa iligal na paggamit ng compressor bilang breathing apparatus sa pangingisda nitong nakalipas na araw.
Sa ulat ng Philippine Coast Guard, nakatanggap umano ng tip mula sa Bantay Dagat ang PCG sa Cajidiocan, Romblon na nagkakaroon ng iligal na fishing activity sa dagat na bahagi ng Barangay Cabalo dahilan para agad silang mag responde kasama ang Cajidiocan Municipal Police Station at Magdiwang PCG.
Sa dagat nila naabutan ang mga suspek na may dalang flippers, spears, googles, flashglights, hose, at mga bagong huling isda.
Pinagmumulta ang mga naaresto ng paglabag sa municipal ordinance ng Cajidiocan o ang Comprehensive Fishery Ordinance ng bayan.
