Arestado sa isang anti-illegal drug buy-bust operation ang isang tricycle driver sa bayan ng Romblon, Romblon nitong Linggo.
Ang suspek, kinilalang si Jason Mingo, ay nabilhan di umano ng mga tauhan ng PNP at PDEA ng dalawang sachet na may lamang pinaghihinalaang shabu.
Maliban dito, sinabi rin sa police report mula sa Romblon Police Provincial Office na nakunan rin ang suspek ng ipinagbabawal na droga sa ginawang body search na nasaksihan ng mga kinatawan ng barangay Mapula at ng National Prosecution Service.
Tinatayang halos 0.21 gram ng ipinagbabawal na droga ang di umano ay nakuha sa suspek na may street value na P4,500.
Nakakulong na ngayon ang suspek sa Romblon Municipal Police Station at mahaharap sa kasong paglabag sa Republic Act 9165 o ang Comprehensive Dangerous Drugs Act of 2002.
