Ayon sa pinakahuling datos, nasa 136 miyembro at taga-suporta ng Communist Party of Philippines-New People’s Army (CPP-NPA) ang boluntaryong sumuko sa iba’t-ibang police units sa Mimaropa sa unang 10 buwan ng kasalukuyang taon.
Binigyang pugay naman ni Police Regional Office (PRO) Mimaropa Chief Brigadier General Sidney Hernia ang lahat ng mga naging katuwang ng PRO-Mimaropa sa pagsasakatuparan ng mga napagtagumpayan nitong mga nakaraang buwan. Kabilang na rito ang Armed Forces of the Philippines (AFP), Local Government Units (LGUs), at iba pang mga ahensiya na naging instrumento sa kampanya kontra insurhensya sa ilalim ng National Task Force to End Local Communist Armed Conflict (NTF-ELCAC).
Ang pinakahuling rebelde na sumuko sa kasalukuyan ay may bansag na “Ka Bobbie”– miyembro ng Kilusang Larangang Gerilya of Sub-Regional Military Area (SRMA-4E).
Kusang sumuko si “Ka Bobbie” kay Capt. Marvin Estigoy, Officer-in-Charge ng 401st B Maneuver Company sa ilalim ng Regional Mobile Force Battalion 4B noong Oktubre 31. Sa kasalukuyan, sumasailalim si “Ka Bobbie” sa reintegrasyon sa lipunan sa pamamagitan ng Enhance Comprehensive Local Integration Program (E-CLIP). (JJGS/PIA MIMAROPA)
