Gaganapin sa bayan ng Odiongan sa susunod na linggo ang kauna-unahang Hackathon at Technobootcamp, kung saan ang mga programmer ay magtitipon para sa isang maikling panahon upang makipagtulungan sa isang proyekto.
Ito ay pangungunahan ng ayay Coworking Space, Department of Science and Technology, LGU Odiongan at Romblon State University.
Gaganapin ito sa March 11 hanggang 13 sa Romblon State University.
Para sa mga may ideya, produkto o imbensyon na maaaring solusyon sa malawakang problema ng komunidad o maaring isang maging proyekto ng ating gobyerno, maaring magpasa ng mga entries.
Ang nasabing Technobootcamp at Hackathon na naglalayong lipunin ang lahat Innovators sa probinsya ng Romblon at magkaroon ng isang komunidad na ang layunin ay iinnovate ang mga solusyon dito sa probinsya.
Ang mananalo sa hackathon ay makakatanggap ng Initial Funding para masimulan ang negosyo at sasailalim sa incubation kung saan sila ay tutulungan na iangat at simulan ang negosyo o proyekto.
Ang lahat ng gustong sumali ay maaring maregister hanggang March 9, 2021 sa link na ito: bit.ly/bcwshack
