May iilang bahagi ng EDSA na maluwag pero mas marami ang masikip dahil naiipon ang mga sasakyan na liliko sa kabilang bahagi ng EDSA pero hindi magawa dahil nga wala nang U-turn.
Ang resulta, natatambak at mistulang naiimbuto ang mga sasakyan sa malalayong U-turn slot na kadalasang nasa ilalim ng mga flyover. At dahil isinara ang mga U-turn slot, ang mga sasakyan na papunta pa lang sa EDSA, nakakabuhol-buhol na rin sa mga secondary road para makarating sa lugar na may U-turn slot o mayroong crossing para makapunta sa kabilang bahagi ng EDSA.
Ang malungkot nito mga tropapips, walang bahagi ng EDSA na sakop ang Valenzuela kaya walang alkalde na maaasahan na magsasalita at magrereklamo gaya nang nangyari sa NLEX. Ang mga opisyal na nakatoka sa pakulong Busway, huwag din asahan na kikilos dahil malabong nilang aminin na may sablay ang kanilang plano gaya nang nangyari sa RFID.
Pero kung tutuusin naman, puwede pa rin naman maglagay ng mga U-turn slot at lagyan lang ng traffic light o signal para magbigayan ang mga motoristang liliko at ang mga bus na didiretso.
Iyon nga lang, kilabot ang maraming driver ng bus sa pagmamaneho at walang pakialam sa kalsada kaya kung gawin man ito, aba't goodluck at dapat magdasal ang mga motoristang liliko.
Tandaan: Ang tao'y nilalang na politiko at madalas ang politiko'y nanlilinlang ng tao! (Twitter: follow@dspyrey)
