Patuloy ang pag-angat ng sektor ng turismo sa rehiyong MIMAROPA bilang tugon sa direktiba ni Pangulong Ferdinand R. Marcos Jr. sa kanyang 2024 State of the Nation Address (SONA) na paigtingin ang local tourism para sa economic recovery.
Ayon sa Department of Tourism (DOT) MIMAROPA, nakapagtala ang rehiyon ng 2.27 milyong turista noong 2023 — 68% na pagtaas mula sa 1.35 milyon noong 2022. Pinangunahan ng Palawan ang bilang ng mga bisita, sinundan ng Oriental Mindoro, Romblon, Occidental Mindoro, at Marinduque.
Sa ulat ng Philippine Information Agency, bahagi ng pagtugon ng rehiyon sa SONA ni Pangulong Marcos ang pagpapahusay ng mga tourism circuits at community-based tourism, gaya ng ecotourism at agri-tourism, para mas lalo pang maitaguyod ang kabuhayan ng mga lokal na komunidad.
Dagdag ng DOT, nagpapatuloy rin ang pagsasanay sa mga tourism workers, digital promotion, at ugnayan sa mga LGU para mas mapalago pa ang industriya.
