Sa ospital ang bagsak ng isang driver habang sa kulungan naman ang isa pang driver na kasama nito matapos mauwi sa pagtatalo at pananaksak ang isang inuman kagabi, July 8, sa Sitio Riverside, Barangay Poblacion, Magdiwang, Romblon.
Sa ulat ng Romblon Police Provincial Office, ang suspek na kinilalang si Alyas Reynaldo, 38, ay nakikipag-inuman sa kanyang mga katrabaho ngunit bigla sila umano silang sinita ng biktimang si Alyas Jay, 27, dahil sa ingay ng mga ito sa labas.
Nagkaroon umano ng pagtatalo ang dalawa hanggang sa sinuntok di umano ni Alyas Jay ang suspek dahilan para kunin nito ang isang fruit knife ay dalawang beses na sinaksak ang biktima sa tiyan.
Agad na isinugod sa Sibuyan District Hospital Sa Cajidiocan, Romblon ang biktima habang ang suspek naman ay naaresto ng mga rumespondeng pulis ng Magdiwang Municipal Police Station.
Sa pag-iimbestiga ng pulisya, lumalabas na may matagal nang alitan ang dalawa sa trabaho at posibleng naging dahilan ng pag-init ng ulo ng dalawa.
Nakakulong ngayon ang suspek at mahaharap sa kasong Frustrated Homicide.
