Tumaas sa puwesto ang Anakalusugan Party-list sa pinakahuling Pulso ng Pilipino pre-election survey na isinagawa kamakailan sa buong bansa sa hanay ng 156 party-list groups na lumalahok sa darating na halalan sa Mayo 12.
Nananatiling nangunguna ang Duterte Youth, ACT-CIS, at 4Ps sa unang tatlong puwesto, habang pitong iba pang party-list groups, kabilang ang Anakalusugan, ang bumuo sa top-10.
Kasama rin sa top-10 ang FPJ Panday Bayanihan, TGP, Asenso Pinoy, Ako Bicol, Coop-NATCO, at Senior Citizen.
Noong nakaraang buwan, ayon sa survey ng Social Weather Stations (SWS) na isinagawa noong Marso 15 hanggang 20, pumuwesto ang Anakalusugan sa ika-15 sa buong bansa. Sa Octa Research poll naman na isinagawa noong Marso 18 hanggang 24, nasa ika-16 na puwesto ito.
Ayon sa Issues and Advocacy Center (The Center), lumilitaw sa Pulso ng Pilipino survey na namumukod-tangi ang Anakalusugan bilang pinakamasigasig sa pagtupad ng tungkulin na nakaugnay sa pangalan nito bilang tagapagtaguyod ng kalusugan.
Sa pamumuno ni incumbent Cong. Ray Florence Reyes, nagsagawa ang Anakalusugan ng mga medical at dental mission sa iba’t ibang bahagi ng bansa at patuloy na nagbibigay ng serbisyong pinansyal at tulong sa mga mahihirap.
Sa isinagawang non-commissioned, face-to-face interviews, tinanong ang mga kalahok kung aling accredited party-list group ang kanilang iboboto kung ang halalan ay gaganapin sa petsang saklaw ng survey.
Ang survey ay isinagawa noong Abril 11–15 at Abril 19–22 sa buong bansa, na may 1,200 respondents. Ayon sa The Center, ito ay may confidence level na higit sa 98% at may margin of error na ±3%.
