Uupo bilang bagong ex-officio member ng Sangguniang Panlalawigan ng Romblon si Romblon Sangguniang Bayan Member Mart Arthur Silverio matapos siyang mahalal bilang presidente ng Philippine Councilors League (PCL) – Romblon Chapter sa eleksyon na ginanap nitong Setyembre 11.
Landslide ang naging panalo ni Silverio laban kay SB Jonathan Gaytano ng Looc, Romblon.
Bilang PCL president, awtomatikong magiging kinatawan si Silverio ng mga konsehal ng buong lalawigan sa Sangguniang Panlalawigan.
Makakasama ni Silverio bilang mga opisyal ng PCL Romblon hanggang 2028 sina SB Chow Chua bilang Vice President, SB Menchie Garachico bilang Secretary-General, SB William Tan bilang Treasurer, SB Zaldy Marin bilang Auditor, SB Nhiesel Teolog bilang Public Relations Officer, at Unique Muros bilang Business Manager.
