Nagsagawa ng motorcade si Supremo, Senador Lito Lapid sa mga lalawigan ng Cavite at Batangas kahapon, Abril 28.
Sa Cavite, nagsimula ang motorcade sa Kawit patungong Noveleta Public Market, sumunod sa Rosario Public Market hanggang Tanza, at mula sa General Trias Public Market patungong Trece Martires. Nagpatuloy ito mula Indang Public Market hanggang Alfonso Public Market.
Sa Batangas, nagmotorcade si Lapid mula sa Nasugbu Public Market patungong Lian Public Market.
Kasama ni Supremo sa pag-iikot si “Big Mac,” isa sa mga artista ng FPJ’s Batang Quiapo.
Malugod na sinalubong si Supremo ng mga Caviteño at Batangueño sa kanyang pagbisita.
Ngayong araw, sa ikalawang bahagi ng motorcade, iikutin ni Lapid ang mga palengke sa mga bayan ng Calatagan, Balayan, Calaca, Lemery, Taal, Sta. Teresita, Bauan, Batangas City, Ibaan, Rosario, at Padre Garcia sa Batangas, mula umaga hanggang gabi.
Nagpaabot ng taus-pusong pasasalamat si Supremo sa lahat ng kababayan na nag-abang at sumalubong sa kanya sa Cavite at Batangas.
