Iprinoklama na bilang bagong alkalde ng bayan ng Alcantara, Romblon si Dra. Riza Galicia Pamorada kagabi matapos na mabilang ng Municipal Board of Canvassers ang lahat ng boto sa munisipyo.
Si Pamorada ay nakakuha ng botong 4,404 habang ang kanyang kalabang si Toto Galindez ay nakakuha lamang ng 4,079 na boto mula sa 8,840 na bumoto.
Inaasahang papalitan ni Pamorada si incumbent Mayor Eddie Lota.
ADVERTISEMENT
Samantala, iprinoklama na ring panalo si Vice Mayor Vito Gamol ng PDP-Laban matapos makakuha ng 4,855 votes kontra sa kalaban nitong si Elmer Gado na nakakuha lamang ng 3,276 votes.
Panalo rin sa Sangguniang Bayan sina Adrio Galin Jr., JR Coching, Ermar Martinez, Frankie Galin, Mely Lota, Joy Morales, Susan Casabal, at Joey Martino.
