Nakatanggap ng tulong-pinansyal ang mga kwalipikadong mag-aaral ng Romblon State University (RSU) Cajidiocan Campus sa ilalim ng Tulong Dunong Program (TDP) at Tertiary Education Subsidy (TES) ng Commission on Higher Education upang makatulong sa kanilang mga gastusin sa kolehiyo.
Isinagawa ng RSU Cajidiocan Campus ang pamamahagi upang mapalawak ang access ng mga mag-aaral sa mataas na edukasyon.
Sa pamamagitan ng TDP at TES, nabibigyan ng karagdagang suportang pinansyal ang mga kwalipikadong estudyante upang maibsan ang kanilang gastusin at matulungan silang maipagpatuloy ang pag-aaral sa kolehiyo.
Bahagi ang mga programang ito ng pagsisikap ng pamahalaan na gawing mas abot-kaya at madaling ma-access ang edukasyon, partikular para sa mga mag-aaral na nangangailangan ng tulong pinansyal.
Hinikayat naman ang mga benepisyaryo na gamitin nang wasto ang natanggap na ayuda at pagbutihin ang kanilang pag-aaral upang makapagtapos at magkaroon ng mas maraming oportunidad sa hinaharap.
