Tumanggap ng karagdagang kagamitan at materyales sa pangisdaan ang limang samahan ng mga mangingisda sa ilalim ng ikalawang intervention ng Special Area for Agricultural Development (SAAD) Program, bilang bahagi ng suporta ng pamahalaan sa sektor ng pangisdaan.
Kabilang sa mga benepisyaryo ang SUGPO, BUSALOG, SAMARAL, PAKUY 1, at PAKUY 2 Fisherfolk Associations.
Pinangunahan ni Mayor Ronnie D. Samson ang pamamahagi kasama sina Jerome Mijares ng Bureau of Fisheries and Aquatic Resources (BFAR)-MIMAROPA at Jay M. Gasang, SAAD area coordinator.
Layunin ng livelihood assistance na mapalakas ang kakayahan ng mga samahan at masuportahan ang kanilang mga gawaing pangisdaan sa pamamagitan ng pagbibigay ng karagdagang kagamitang magagamit sa kanilang kabuhayan.
Sa pamamagitan ng SAAD Program, nagbibigay ang pamahalaan ng suporta sa mga kwalipikadong samahan ng mga mangingisda upang makatulong sa pagpapaunlad ng kanilang kabuhayan at sektor ng pangisdaan. (JME/PJF)
