Nadaanan ng Romblon News Network kaninang hapon, pasado alas-3 ng hapon, sa Sitio Can Umyang, Barangay Cagboaya sa bayan ng San Agustin ang kawawang tuta na ito na nakahandusay sa kalsada.
Ayon sa mga residente, nasalpuk at hindi na binalikan ng humaharurot na motorsiklo ang maliit na asong ito.
Bigla namang dumating ang isa pang aso na malamang ay ina ng nasalpuk na tuta, tumatahol ito na para bang humihingi ng tulong na sana makaligtas ang anak niya sa kamatayan.
ADVERTISEMENT
Sana lagi nating tandaang mapa-hayop man o tao ang ating nasasaktan, may feelings sila na kailangan nating pahalagahan.
Namatay rin kinalaunan ang tuta at binuhat na ng may-ari pauwi sa kanila.
