Nakakasagap na ng 4G/LTE signal ang mga residente ng Barangay Alegria at kalapit na barangay sa Corcuera, Romblon matapos opisyal ng buksan ng Globe Telecom ang kanilang 4G Signal sa lugar.
Ang bayan ng Corcuera na mas kilala bilang Simara Island ang kauna-unahang island municipality sa lalawigan ng Romblon na nakasagap ng 4G/LTE signal.
Nitong nakalipas na mga buwan, sunod-sunod na binuksan ng Globe Telecom ang kanilang 4G Signal sa mga sumusunod na bayan: Alcantara (Giu-ob and nearby barangays), Romblon (within the town proper), San Fernando (Brgy. Azagra and nearby barangays), Cajidiocan (Sugod, Cambalo, Danao and nearby barangays), at Looc (Poblacion and nearby Barangays).
Matatandaang Oktubre ng 2017 ng simulan ng Globe Telecom ang kanilang pag roll-out ng mga 4G Signal kung saan nagsimula sila sa bayan ng Odiongan sa Tablas Island, Romblon.
Ayon sa Globe Telecom, may mga lugar pa sila sa lalawigan na malalagyan ng 4G Signal sa mga susunod na buwan.
