Inilunsad ng Romblon State University (RSU) ang bagong logo nito noong October 14 kasabay ng pagpapakilala sa Strategic Development Plan 2026–2035 na magsisilbing gabay sa direksiyon ng pag-unlad ng pamantasan sa susunod na sampung taon.
Ayon kay RSU President Dr. Merian P. Catajay-Mani, sumasalamin ang bagong logo sa pagkakakilanlan at likas na yaman ng lalawigan ng Romblon, kabilang ang Mount Guiting-Guiting, karagatan at biodiversity nito.
Ipinaliwanag ni Mani na naiiba ang konsepto ng bagong logo sa dating disenyo ng pamantasan na aniya ay mas nakatuon sa larangan ng engineering.
Sinabi niyang kinikilala at iginagalang nila ang disenyo ng nakaraang administrasyon, ngunit nais nilang magkaroon ng logo na mas kumakatawan sa lalawigan ng Romblon.
“It's not me, it's not the VP, and it's not the alumni, but it's very Romblon. It's Romblon, it represents Romblon,” ani Mani.
