Pinalalawak ng Sangguniang Panlalawigan ng Romblon ang paggamit ng teknolohiya hindi lamang para gawing moderno ang mga proseso ng lokal na lehislatura kundi upang mabigyan din ng mas malawak na access ang mga Romblomanon sa mga sesyon at gawain ng kanilang mga halal na kinatawan.
Ayon kay Vice Governor Armando “Arming” Gutierrez, kabilang sa mga pagbabagong ipinatupad ng Sangguniang Panlalawigan ang pagla-livestream ng mga sesyon, upang mapanood ng publiko ang mga talakayan at iba pang legislative proceedings.
“First time din na nagkaroon ng livestreaming. This is some of our improvements because, in the past, we were not obliged. We have to do it to ensure transparency with our constituents,” ani Gutierrez.
Dagdag niya, mahalagang malaman ng mga mamamayan ang mga nagaganap sa loob ng session hall at ang mga gawaing isinasagawa ng kanilang mga kinatawan.
“They have to know what we are doing. This is a very welcoming move na they would see us live and see what we are doing inside the session hall,” aniya.
Sa pamamagitan ng livestreaming at iba pang digital initiatives, layunin ng Sangguniang Panlalawigan na mapalawak ang access ng publiko sa impormasyon at mabigyan ang mga mamamayan ng pagkakataong masubaybayan ang mga nagaganap sa loob ng provincial session hall.
Discussion about this post