Nakipagpulong nitong July 9 si Senador Erwin Tulfo sa mga gobernador ng limang lalawigan ng MIMAROPA upang talakayin ang iba't ibang usaping may kaugnayan sa pagpapaunlad ng rehiyon at mga programang maaaring ipatupad para sa kapakinabangan ng mga mamamayan.
Kabilang sa mga dumalo sa pulong si Romblon Governor Trina Alejandra Firmalo-Fabic, kasama ang iba pang gobernador ng MIMAROPA.
Tinalakay sa pagpupulong ang mga prayoridad na programa at proyekto na naglalayong mapabilis ang pag-unlad ng rehiyon, mapalakas ang koordinasyon sa pagitan ng pambansa at lokal na pamahalaan, at mapabuti ang paghahatid ng mga pangunahing serbisyo sa mga mamamayan.
Ayon sa mga dumalo, nagsilbi ring pagkakataon ang pagpupulong upang maiparating ng mga gobernador ang mga pangunahing pangangailangan at prayoridad ng kani-kanilang lalawigan, kabilang ang mga panukalang maaaring suportahan sa antas ng Senado.
Inaasahang magpapatuloy ang koordinasyon sa pagitan ng tanggapan ni Senador Tulfo at ng mga pamahalaang panlalawigan ng MIMAROPA para sa pagpapatupad ng mga programang makatutulong sa pagpapaunlad ng rehiyon.
Discussion about this post