Maglalaan ang pambansang pamahalaan ng ₱399 milyon bilang grant para pondohan ang mga proyektong pang-turismo sa 21 destinasyon sa buong bansa, ayon sa Department of Tourism (DOT).
Pormal na binuksan noong Hulyo 31 ang pagsusumite ng mga proposal para sa ikalawang cycle ng Tourism Champions Challenge (TCC), isang programa na naglalayong bigyang kapangyarihan ang mga lokal na pamahalaan (LGUs) na magpanukala at magpatupad ng community-based tourism projects.
Sa isang press briefing sa Makati City, sinabi ni Tourism Secretary Christina Frasco na sa unang cycle ng TCC, “nakapagbigay ng kapangyarihan sa mga LGU mula sa iba’t ibang panig ng bansa upang magpanukala ng mga community-based tourism infrastructure projects na magbibigay ng kabuhayan sa kanilang mga community-based tourism organizations.”
“Ito ay taos-puso naming inaasahan na sa pagpapatuloy ng programang ito, na lubos na tinanggap ng ating mga LGU sa buong bansa, ay tunay na mararamdaman ang kaunlaran ng turismo hanggang sa pinakamalayong bahagi ng ating bansa,” dagdag nito.
Ang TCC ay pinopondohan ng infrastructure arm ng ahensya, ang Tourism Infrastructure and Enterprise Zone Authority (TIEZA).
Kabilang sa mga nagwagi sa unang cycle ng TCC ang bayan ng San Jose, Romblon, na pumuwesto sa ika-4 na lugar sa pamamagitan ng kanilang Eco-Tourism Park project.
