Pagmumultahin ng lokal na pamahalaan ng San Fernando ang mga establisyemento sa kanilang bayan na mapapatunayang lumalabag sa guidelines na kanilang ibinababa lalo na ang pagpapatupad ng maximum fifty percent (50%) capacity sitting o venue capacity.
Batay sa bagong resolusyon ng San Fernando Municipal Task Force Against Covid-19 na inilabas nitong Lunes, December 21, ang mga hotels, restaurants, at resorts sa bayan ay dapat striktong ipatupad ang maximum fifty percent (50%) capacity sitting o venue capacity.
Nakarating kasi umano sa kanila na may mga establisyemnto na tumatanggap ng booking para sa mga events na lumalagpas ng mahigit 50% ang mga bisita o dumadalo.
Ang mapapatunayang lalabag rito na establisyemento ay magmumulta ng P5,000 hanggang P20,000 at makakasuhan.
Kasalukuyang nasa Modified General Community Quarantine parin ang bayan ng San Fernando gayun rin ang iba pang bayan sa lalawigan ng Romblon, base sa guidelines na inilabas ng Natioanl IATF.
