Sa pagdinig ng Senate Blue Ribbon Committee nitong Setyembre 1, kinumpirma ni Sarah Discaya ng Alpha & Omega Gen. Contractor & Development Corp. na may hawak silang mga proyekto sa lalawigan ng Romblon.
Ayon kay Discaya, taon-taon ay sumasali ang kanilang kompanya sa bidding ng iba’t ibang proyekto sa gusali, kalsada, at flood control sa iba’t ibang bahagi ng bansa.
“We have in Romblon, Cebu, Bohol, Bacolod, Zamboanga, hindi naman po kami namimili ng lugar,” pahayag niya sa komite.
Batay sa pagsasaliksik ng Romblon News Network sa Philippine Contractors Accreditation Board (PCMA) website ng DPWH, kabilang sa mga proyekto ng kompanya sa Romblon ang ilang bahagi ng bypass road sa bayan ng Odiongan na nagkakahalaga ng mahigit ₱238 milyon.
Nabatid din na may iba pa silang proyekto sa lalawigan, kabilang ang konstruksyon ng mga kalsada sa Carabao Island at Tablas Island.
Narito ang detalye ng mga proyekto base sa DPWH.
