Naglunsad si Konsehal Miguel Gabriel M. Montojo ng isang signature campaign para tutulan ang panukalang pagtaas ng passenger terminal fee sa Batangas Port mula ₱30 tungong ₱100.
Layon ng kampanya na makalikom ng suporta mula sa mga apektadong pasahero at lokal na residente upang maisampa sa Kamara at Senado ang usapin, at hikayatin ang mas malawak na imbestigasyon at konsultasyon sa panukala.
Kasunod ito ng umano’y “copy-pasted” na tugon ng Asian Terminals Inc.-Batangas (ATIB) sa mga position papers na ipinadala nina Montojo at ng iba pang mga opisyal at stakeholder sa Philippine Ports Authority (PPA).
Nilinaw ng konsehal na ang kanilang mga liham ay nakapangalan sa pamunuan ng PPA, subalit ang tugon ay nagmula sa ATIB.
“Totoo mang panahon na para madagdagan ito, pang-aabuso na ang ₱70 na dagdag,” pahayag ni Montojo sa kanyang Facebook post, kasabay ng paglulunsad ng signature drive.
Narito ang link: https://l1nk.dev/nhq6o
