Sugatan ang isang 37-anyos na lalaki sa Barangay Agnay, Romblon, Romblon matapos di umano itong saksakin sa balikat ng 61-anyos na suspek na residente din ng parehong barangay.
Ayon sa ulat ng Romblon Police Provincial Office, ang biktima ay naglalakad noong June 29 kasama ang kanyang mga kaibigan nang bigla itong lapitan ng suspek at walang anu-ano ay sinaksak ito.
Agad namang tumakas ang suspek matapos ang krimen ngunit naaresto rin kalaunan ng mga opisyal ng barangay. Nakuha sa suspek ang isang kitchen knife na ginamit sa krimen.
Sa imbestigasyon ng Romblon Municipal Police Station, lumalabas na nagkaroon ng alitan ang biktima at ang suspek noong gabi ng June 28 bago ang naganap ang krimen.
Nakakulong na ngayon ang suspek at nahaharap sa kaukulang reklamo.
