Natagpuang walang buhay sa dagat na sakop ng Sitio Bangar sa Barangay Gabawan, Odiongan, Romblon ang isang lalaking mahigit isang araw nang nawawala.
Tanghali nang linggo itong matanaw ng mga residente ng Sitio na palutang-lutang sa dagat.
Kinilala ang lalaki na si Normie Libuton, 47 anyos na persons with disabilities (PWD), residente ng Barangay Tuburan.
Kwento sa Romblon News Network ng kapatid ng nasawi, huling nakita sa Barangay si Libuton bandang alas-4 ng madaling araw nang Sabado at hindi na umuwi hanggang sa nakitang walang buhay nitong Linggo.
Sinuri na ng PNP Crime Laboratory at ng Rural Health Unit si Libuton para matukoy kung may foul play sa pagkamatay nito.
