Naghain na ngayong huling araw ng filing ng certificate of candidacy ang mga pambato ng oposisyon na lalaban sa kasalukuyang alkalde at bise alkalde ng bayan ng Odiongan, Romblon.
Ang tatakbo sa pagka-alkalde ay si incumbent SB member Michael Arevalo ng Nationalista Party.
Makakatambal niya sa darating na halalan si incumbent SB member Romeo Chua Jr. na tatakbo sa pagka-bise alkalde sa ilalim ng partidong PDP Laban.
Kahalintulad ng naunang naghain ng kanilang kandidatura, tumungo rin muna sa isang simbahan ang grupo nina Arevalo at Chua bago pumunta sa opisina ng Commission on Election (Comelec).
Samantala, pasok sa tiket ng kanilang Sanggunian sina incumbent SB member Quincy Anne Cabrera at Nicky Faderogao.
Kasama rin nila sa tiket ang mga dating konsehal na sina Rollie Lachica at Virgilio Maulion.
Pasok rin sa kanilang tiket sina Ricmel Falqueza, Mar Greg Noche, Danilo Segobre, at Maria Filca Aguila.
