Magkahiwalay na naaresto ng pulisya sa Palawan ang dalawang most wanted person ng Palawan Polive Provincial Office at Puerto Princesa City Police Office nitong July 03.
Ayon kay Supt. Imelda Tolentino ng Regional Police Information Office MIMAROPA, ang mga suspek ay sina Roel John Ibañez, 22, ng Barangay Malcampo, Roxas, Palawan at si Cymon Jude Saul Celliza, 19-years old, ng Barangay San Pedro, Puerto Princesa City, Palawan.
Paliwanag ni Supt. Tolentino, si Ibanez ay naaresto sa bisa ng isang warrant of arrest na inilabas noong 2016 sa kasong Sexual Assault at two counts ng Statutory Rape.
Hinalay umano ni Ibañez ng tatlong beses ang kanyang isang 14-years old second year high school student sa loob ng bahay ng kanyang lola noong August 15, 2012.
Haban si Celliza naman ay wanted rin sa kasong Attempted Murder at Assault upon Agent in Authority matapos na saksakin ang isang duty officer noong October 03 2014.
