Naaresto na ng pulisya ang number 10 most wanted person ng Puerto Princesa City, Palawan na si Freddie Agsalon Agustin, 43 years old, isang magsasaka.
Naaresto ang suspek sa bisa ng isang warrant of arrest na nilabas ng korte laban kay Agustin. Naaresto si Agustin sa kanyang pamamahay sa Barangay Sicsican, Puerto Princesa City, Palawan nitong umaga ng Lunes.
Ayon kay Police Supt. Imelda Tolentino ng Regional Police Information Office MIMAROPA (RPIO MIMAROPA), ginahasa umano ng suspek ang kanyang 9-taong gulang na anak noong May 2016 habang sila ay nangungulekta ng shell sa dagat.
Habang nitong huli na umano nakapag sumbong ang biktima kaugnay sa aksidente.
Napag-alaman rin na hindi lang iyon ang unang beses na ginahasa ng suspect ang kanyang anak kundi inamin rin ng anak na maraming beses pa siyang paulit-ulit na hinalay.
Naka-kulong na ngayon ang suspek sa Puerto Princesa City Police Office habang nililitis ang kanyang kaso.
