Limang inmates ng Naujan Municipal Jail sa Barangay Malinao, Naujan sa Oriental Mindoro ang nakatakas Linggo ng madaling araw.
Kinilala ang mga nakapuga na sina Remegio Orgrecio, may kasong Violence against Women and Children; Toribio Mercado na may kaso namang rape; Ananias Dalisay at Marvin Montemayor na pawang may kasong may kaugnayan sa iligal drugs at si Marlon Genabe na may kasong theft.
Ayon sa Regional Police Office MIMAROPA, nadiskobre umano ni Senior Jail Officer 1 Berandro Baldesco, Duty Jail Officer noong oras na hindi na umano naka locked ang padlock ng Cell 1 habang sira rin umano ang rehas sa Cell 2.
{googleads right}
Nagsasagawa na ng manhunt operation ang mga kapulisan sa buong Mindoro ganun na rin ang Bureau of Jail Management and Penology (BJMP) na may hawak sa nasabing presinto.
