Aabot sa 93,000 pesos ang natangay ng dalawang hindi pa nakikilalang lalaki sa isang ginang sa Sta. Cruz, Occidental Mindoro nitong umaga ng May 28.
Ayon sa report ng Regional Police Office MIMAROPA, nakasakay umano ng kanyang motorsiklo ang biktimang babae ng biglang hinirang ng dalawang naka bonnet na lalaki sa may bahagi ng National Road sa Barangay Pinagturilan.
Natangay sa babae ang isang sling bag na may lamang pera.
ADVERTISEMENT
Ayon sa biktima, ang mga nasabing lalaki umano ay may dalang hindi pa tukoy na klase ng baril. Matapos na magawa ang balak, agad umanong tumakas papalayo ang dalawang suspek.
Patuloy na iniimbestigahan ng Sta. Cruz Municipal Police Station ang nasabing insidente.
