Kinubra ng Romblon, Romblon ang overall champion title sa isang linggong labanan sa 2019 na edisyon ng Romblon Provincial Athletic Meet na ginanap sa Odiongan, Romblon noong December 9-13.
Nakakuha ang Romblon ng 37 golds, 30 silver, at 15 bronze medals sa secondary level habang 20 gold, 17 silver, at 15 bronze medals ang nakuha nila sa elemntary level.
Bumawi ang Romblon sa athletic competition kung saan nakakuha sila ng maraming medalya.
Samantala, itinanghal namang first runner up sa parehong secondary at elementary level ang Unit III na binubuo ng mga manlalaro mula sa Odiongan at Ferrol.
Nakakuha sila ng 29 gold, 17 silver, at 35 bronze sa seondary habang 19 gold, 13 silver, at 24 bronze naman sa elementary level.
Looc naman ang itinuring na second runner up sa secondary level matapos makasungkit ng 22 gold, 24 silver, at 17 bronze; habang ang Magdiwang ang itinanghal na second runner up sa Elementary level matapos makakuha ng 15 gold, 13 silver, at 8 bronze.
Ang mga nanalo sa palaro ay mapapabilang sa rooster na ilalaban ng Romblon sa Mimaropa Regional Athletic Meet.
