Pormal nang pinasinayaan ang bagong Coast Guard Mobile Post sa bayan ng Ferrol sa isang seremonyang dinaluhan ng mga lokal na opisyal, kapulisan, at mga miyembro ng Philippine Coast Guard.
Sa kanyang mensahe, sinabi ni Mayor Christian Gervacio na ang pagtatayo ng pasilidad ay bahagi ng pagpapalakas ng seguridad sa karagatan at baybayin ng Ferrol, at bunga ng koordinasyon ng lokal na pamahalaan at pambansang ahensya.
Binigyang-diin din niya na mahalaga ang pagkakaroon ng ganitong pasilidad upang mas mapabilis ang pagtugon sa mga insidente at mapanatili ang kaligtasan ng mga residente, lalo na sa mga komunidad na malapit sa dagat.
Nagpasalamat naman si LTJG Eugenio Romea sa mga naging katuwang sa proyekto at tiniyak ang patuloy na serbisyo ng Philippine Coast Guard sa komunidad.
Ayon sa kanya, magsisilbing mahalagang bahagi ang bagong mobile post sa pagpapatibay ng presensya ng Coast Guard at sa pagpapatupad ng mga programang pangkaligtasan sa karagatan.
Ang nasabing command post ay lalagyan ng mga tauhan ng PCG para magbantay sa mga baybayin ng bayan ng Ferrol.
