Dead on arrival sa Romblon Provincial Hospital sa bayan ng Odiongan sa Romblon ang isang Pastor ng isang simbahan nang masangkot ito ng makasalpukan ng minamaneho niyang motorsiklo ang isang elf-truck na pagmamay-ari ng DPWH-Romblon pasado alas-3 ng kahapon.
Ayon sa imbestigasyon ng Odiongan Municipal Police Station, galing umano ang truck ng DPWH-Romblon sa construction site at nagdeliver ng kargang buhangin.
Pabalik na sana silang town proper nang masalpok ang kasalubong na motorsiklo na minamaneho ng Pastor na si Deuel Galin, 35, sa may kurbadang bahagi ng National Road sa Barangay Progreso Este ng parehong bayan.
Dahil sa pagkakasalpok, halos wasak at nagka yupi-yupi ang unahang bahagi ng motorsiklo ni Galin.
Agad na sinakay umano ng mga pahinante ng truck ang rider para dalin sa Romblon Provincial Hospital ngunit idineklara itong Dead On Arrival ng naka duty na Physician.
Agad namang pumunta si Selodio sa Odiongan Municipal Police Station upang sumuko at magbigay ng detalye sa mga pulis kaugnay sa aksidente.
Nang makapanayam ng Romblon News Network at ayon rin sa Spot Report ng Odiongan Municipal Police Station, sinabi ng driver ng truck na si Ernesto Selodio, 57, na kumain umano ng linya ang motorsiklo kaya nasalpok niya ito ngunit nitong Huwebes ng makaharap ni Selodio ang naiwang pamilya ni Galin, humingi umano ito ng tawad at inaming siya ang umagaw ng kalsada kaya nito nasalpok ang driver.
Ayon kay Engr. Deson Galin, kapatid ng Pastor, magbibigay umano ng financial assistant ang Department of Public Works and Highways Romblon sa pamilyang naiwan ni Pastor Galin
PInakawalan si Selodio nitong June 29 ng Odiongan Municipal Police Station matapos umanong i-atras ng pamilya ng rider ang kaso laban kay Selodio. (Updated: June 30, 2017; 10:03AM)
