Ipinatawag ng Land Transportation Office – Romblon ang tricycle driver na nag-viral sa Odiongan matapos makuhaan ng litratong kita ang mga sakay nitong estudyanteng menor de edad na delikado ang pag-angkas sa kanyang sasakyan.
Sa litrato, kitang sumasayad na sa kalsada ang mga paa ng mga bata.
Ayon kay LTO Romblon chief Jocelyn Rillo, pinadalhan nila ng show cause order ang driver na hindi na nila pinangalanan.
“Pinakinggan natin ang kanyang panig at inamin niya ang kanyan pagkukulang at nangakong magiging maingat na sa sunod,” ayon sa text message ni Rillo sa Romblon News Network.
Paliwang ng driver sa LTO, sinakay niya umano ng maayos ang mga bata sa likod ngunit nagulat nalang siya na ganun na ang posisyon ng mga ito. Sa kabilang banda, aminado ito na dapat hindi umano niya pinaupo sa likod ang mga naturang bata.
Binigyan ng multa para sa reckless driving ang driver.
Panawagan ni Rillo sa mga motorista na ugaliing maging maingat at isipin ang kaligtasan ng bawat isa kapag nasa kalsada.
“Napakahalaga na sundin natin ang itinakdang bilang o prescribed seating capacity ng anumang sasakyan. Ang mga ganitong paglabag ay maaring maging dahilan ng aksidente. Palagi po natin isipin ang kaligtasan ng bawat-isa,” panawagan ni Rillo.
