Patay ang isang menor de edad habang sugatan naman ang ina nito matapos na masangkot sa salpukan ng dalawang motorsiklo sa bayan ng San Andres nitong Sabado ng hapon.
Ayon San Andres Municipal Police Station, nangyari ang aksidente sa National Road sa Barangay Pag-alad, San Andres, Romblon pasado bandang 4:30 ng hapon.
Kinilala ng pulisya ang biktimang si Michael Bryan Tan, 15 years old, residente ng parehong barangay at estudyante ng San Andres National High School.
Sa nakuhang impormasyon naman ng Romblon News Network, minamaneho umano pauwi ni Michael Bryan Tan ang kanilang motorsiklo sakay ang kanyang ina ng makasalpukan ang isa pang motorsiklo na minamaneho naman umano'y ng isang lasing na rider.
Tumilapon ang mga sakay ng motorsiklo at agad namang isinugod sa Romblon Provincial Hospital. Linggo ng pumanaw si Michael Bryan matapos na ma-comma ng ilang oras.
Patuloy namang iniimbestigahan ng San Andres Municipal Police Station ang aksidente at kung anong maaring managot sa aksidente.
