Ligtas na ang lagay ng isang rider na sinalpok ang kasalubong nitong tricycle noong gabi ng November 13 sa bahagi ng national road sa Barangay Bonlao, Alcantara, Romblon.
Nakilala ang rider na si Norman Gado Gapi, 37, karpentero at residente ng nabanggit na Barangay.
Ayon sa police report ng Alcantara Municipal Police Station, binabaybay umano ng tricycle ang habaan ng national road pauwi sa kanilang bahay mula sa Santa Maria nang bigla silang salpukin ng kasalubong nilang si Gabi.
Wala umanong ilaw ang motorsiklo ng rider noong oras na iyon.
Dahil sa pagkakasalpo, nayupi ang harapan ng tricycle habang ang rider ng motorsiklo ay tumilapon sa kalsada at nagkaroon ng sugat sa iba't ibang bahagi ng katawan.
Dinala ito sa Don Modesto Formilleza Sr. Memorial Hospital sa Looc, Romblon kung saan siya ginamot.
