Umabot sa 400 mag-aaral mula sa mga paaralan sa Magdiwang, Romblon ang nakatanggap ng backpacks at learner’s kits mula sa Rebisco bilang bahagi ng suporta ng private sector sa edukasyon.
Isinagawa ang pamamahagi sa pamamagitan ng DepEd MIMAROPA – Education Support Services Division (ESSD) at Schools Division Office of Romblon – Social Mobilization and Networking Section (SocMob).
Naglalaman ang mga learner’s kits ng mga pangunahing learning supplies na maaaring magamit ng mga mag-aaral sa kanilang pang-araw-araw na pag-aaral.
Layunin ng inisyatiba na makatulong sa mga mag-aaral at paaralan sa pamamagitan ng pagbibigay ng karagdagang learning materials at school supplies na kailangan sa pag-aaral.
Ang programa ay bahagi ng pakikipagtulungan ng pribadong sektor at ng Department of Education sa pagbibigay ng karagdagang suporta sa mga mag-aaral, partikular sa kanilang mga pangunahing pangangailangan sa pag-aaral.
