Isa-isa nang pinangalanan ang mga manlalarong mapapabilang sa taunang NBA All-Star Game 2026 na gaganapin sa Pebrero 14–16, 2026 sa Intuit Dome sa Inglewood, California, ang home court ng Los Angeles Clippers.
Magiging tema ng ngayong NBA All-Star Game ang Team USA laban sa Team World. Ang mga manlalarong napili sa pamamagitan ng online voting at pagpili ng mga NBA coaches ay hahatiin sa tatlong koponan: USA Stars, USA Stripes, at Rest of the World. Ang tatlong koponang ito ay maglalaban sa isang round-robin format at ang may pinakamahusay na resulta ang itatanghal na kampeon.
Kabilang sa Team USA Stars sina Scottie Barnes ng Toronto Raptors, Cade Cunningham at Jalen Duren ng Detroit Pistons, Devin Booker ng Phoenix Suns, Anthony Edwards ng Minnesota Timberwolves, Chet Holmgren ng Oklahoma City Thunder, Jalen Johnson ng Atlanta Hawks, at Tyrese Maxey ng Philadelphia 76ers. Tatayong head coach ng koponan si JB Bickerstaff ng Detroit Pistons.
Para naman sa Team USA Stripes, kabilang sina Jaylen Brown ng Boston Celtics, Jalen Brunson ng New York Knicks, LeBron James ng Los Angeles Lakers, Kevin Durant ng Houston Rockets, Brandon Ingram ng Toronto Raptors, Kawhi Leonard ng Los Angeles Clippers, Donovan Mitchell ng Cleveland Cavaliers, at Norman Powell ng Miami Heat. Magiging head coach ng koponan si Mitch Johnson ng San Antonio Spurs.
Ang Team World ay binubuo nina Giannis Antetokounmpo ng Milwaukee Bucks, Luka Doncic ng Los Angeles Lakers, Nikola Jokic at Jamal Murray ng Denver Nuggets, Karl-Anthony Towns ng New York Knicks, Deni Avdija ng Portland Trail Blazers, Pascal Siakam ng Indiana Pacers, Victor Wembanyama ng San Antonio Spurs, at Alperen Sengun ng Houston Rockets na pumalit sa injured na si Shai Gilgeous-Alexander ng Oklahoma City Thunder.
Sa Slam Dunk Competition, lalahok sina Carter Bryant ng San Antonio Spurs, Jase Richardson ng Orlando Magic, Jaxson Hayes ng Los Angeles Lakers, at Keshad Johnson ng Miami Heat.
Sa 3-Point Shooting Contest naman ay lalahok sina Damian Lillard ng Portland Trail Blazers, Devin Booker ng Phoenix Suns, Kon Knueppel ng Charlotte Hornets, Tyrese Maxey ng Philadelphia 76ers, Bobby Portis ng Milwaukee Bucks, Donovan Mitchell ng Cleveland Cavaliers, Norman Powell ng Miami Heat, at Jamal Murray ng Denver Nuggets.
Maliban sa mga ito, may inihanda pang iba’t ibang aktibidad ang NBA para sa All-Star Weekend. Pagkatapos ng All-Star Game, magpapatuloy ang regular season kung saan maglalaban-laban ang mga koponan para sa puwesto sa playoffs.
